Saturday, November 23, 2013

Gomesa Tv

MAKALA; Kama hukumuelewa Rich kwenye filamu hii, basi hutozielewa tena filamu za Kibongo



Kwa mara ya kwanza naweza kusema  kushinda kwa filamu zenye asili na mazingira ya Kiswahili kama Mdundiko, huenda ikawa imewabadilisha kidogo Watanzania na kufanya filamu za Kitanzania na Kiafrika.
Unaweza ukawa mwanzo wa  kubadilika kutoka katika filamu yenye mahadhi ya Kizungu na kuanza kutenengeneza filamu za kwetu kwaajili ya kuutangaza utamaduni wetu katika nchi zingine.

Miongoni mwa wasanii walioamua kubadilika ni Single Mtambalike, maarufu kama Rich Richie.
Akizungumza na mwandishi wa makala hii,  kwamba tayari amesha kamilisha filamu yake ya Kitandawili,   nikiwa kama mwandishi na mdau nikapata nafasi ya kuiona na ndipo nikapata nguvu ya kuandika makala hii.
 
(Hawa ndio walioigiza kama wazazi wa Single Mtambalike, Rich)
Single mwenyewe anasema filamu hiyo aliamua kuifanya baada ya kugundua nchi zilizoendelea hawahitaji  tena  kuona nyumba za thamani.

Wala magari ya ghalama , kwakuwa nchini mwao ndipo wanamotengeneza vitu hivyo na kutuletea sisi, tena wao wanavyo  bora zaidi ya vyetu.
Anasema ndipo akatafuta mkoa mzuri wenye mazingira ya kutosha na kuamua kwenda kwaajili ya kufanya filamu ya Kitandawili.
Anaelezea kwa kusema kwamba ingawa filamu za kutoka nje ya mkoa huwa ni ghalama sana, lakini hudumu kwa muda mrefu na hata ukiingiza kwenye tuzo za kimataifa uhakika wa kushinda ni mkubwa.
Filamu anasema  wameifanya katika mkoa wa Kilimanjaro, wilaya ya Same kijiji cha Ndungu, chenye  mazingira ya asili zaidi ambayo bado hayajaharibiwa sana.
(Haji Adam akiwa na mpiga picha Koba)
“Tanzania kuna sehemu nzuri za kuvutia ambazo tunaweza kuzitangaza kupitia filamu zetu.”
Anasema hata hivyo ghalama kubwa sana zikaja juu ya kutafuta mazingira mazuri ya kuigiza, ili mbidi aende Kilimanjaro kwa safari zaidi ya moja hadi alipofanikiwa kupata kijiji hicho.
Baadaye alirudi Dar es salaam  na kubeba kundi la watu 19, kwaajili ya kazi hiyo ingawa wengine ilibidi kuwakodisha huko huko, ili kuwapa ujuzi zaidi.
“Watu huwa wanakimbia gahala za  kufanya nao kazi kwa kubeba watu, kutoka nao  Dar es salaam.”Anasema.
Anasema kundi la watu 19, kuwapangia hoteli na vyakula pia na usafiri wa kutoka  Dar es salaam, kitu ambacho watu wengi wamekuwa wakikikimbia.
Lakini baada ya kufanikisha ghalama hiyo, ndipo utakapoona uzuri wa filamu hiyo ambayo imepambwa na mazingira.
“Nashukuru Mungu filamu tumepata mazingira mazuri, sana ambayo yaliendana na Hadithi yenyewe.”

Labda na mimi ningekudokezee  baadhi ya vipande katika filamu hiyo, na kukuambia kwanini nimesema  muda umefika wa Tanzania kuchukua tuzo za Kimataifa kwa filamu zetu.
Waigizaji wa filamu hiyo, yupo Haji Adama ‘Baba Haji’,Irene Vede mwigizaji mpya ambaye anafanya vizuri sana, Single Mtambalike ‘Rich’ Mr Kupa, Kinyambe, waalimu wa Chuo cha Bagamoyo Mzee Maeda, na Ilenjwa Mtake.
Hao naweza kusema ndiyo waliofanya vizuri zaidi, ingawa wapo wazee wengi kutoka mkoani humo, pia wapo vijana wengi kutoka Dar es salaam na Kilimanjaro.

Filamu inamwelezea kijana ‘Rich’ aliyekuwa akitafuta maisha kwenye dunia hii ya tabu,  hadi kufikia kwenye kambi ya Wakimbizi huku Burundi.
Katika tafuta zake za maisha anajikuta anazama kwenye penzi la Binti wa Kiburundi, na kuamua kumchua kurudi naye kijijini kwake.
Lakini kubwa linakuja pale anapoingia kijijini bila ya kuwa na mafanikio, zaidi ya kuongeza mtu kwenye familia jambo ambalo linazua mzozo wa kifamilia kutoka kwa baba yake mkorofi  ‘Mzee Ilenjwa’.
Anaamua kuanza safari nyingine ya kwenda kutafuta jijini Dar es salaam, na kumwacha mkewe ndani ya familia ambayo tayari ilishaanza kumchukia.
Lakini stori inakuja kushika moto, baada ya Rich kurudi kijijini akiwa na fedha kidogo za kufungua genge, ambalo linaleta heshima kwenye familia yao.
Tatizo kubwa ambalo  utapenda kuliona, ni hali aliyomkuta nayo mkewe baada ya kurudi kutoka Dar es salaam, na jinsi alivyoweza kutaabika hadi kutegua kitandawili hicho, ambacho kina matukio yanayobeba ukweli wa maisha ya kijijini na kukufanya mwili kusisimka.

Huo ni miongoni mwa uhondo wa filamu hiyo, kwa mimi naweza kusema ni miongoni mwa filamu abazo zinapaswa kutizamwa na Watanzania na nchi zingine kutokana na kubeba utamaduni wetu.
Kama hutovutiwa na mazingira mazuri ya mawe makubwa yaliyojipanga mtoni, basi kipo kingine cha kukuvutiwa kama Ziwa kubwa na mitumbi ya wafanya biashara wa samaki.

Ni tofauti na filamu zingine, humu utapenda kuona wazee wapya anavyoweza kuigiza na kutupa taswira na kutukumbusha wazee wa kijijini wanavyopenda kuamrisha, na hata kuchukua sheria mkononi.
Pia utapenda kuona kijiji kizuri wakati kikimwilikwa na jua la alfajiri huku ukungu ukifanya anga lipendeze, hali ambayo tumezoea kuona kwenye filamu za nje.
Naweza kusema hongera Rich, kwamaana unaanza kuitangaza Tanzania kutokana na filamu hii ya Kitandawili.
Lakini kubwa ninalolikumbuka alilosema  Rich kwamba,
“Filamu za kuonyesha magari na majumba ya kifahari, sasa basi.”
Nami namuunga mkono, na kuwaambia  waigizaji wengine wa Tanzania, kabla ya kuisifia filamu yako ina gari la ghalama kama  Hammer, jiulize lengo la kazi zako ziende wapi? Kama zibaki Tanzania sawa, kama zienda Kimataifa elewa huko ndipo walipotengeneza hilo Hammer.
Mwisho

Gomesa Tv

About Gomesa Tv -

Author Description here.. Nulla sagittis convallis. Curabitur consequat. Quisque metus enim, venenatis fermentum, mollis in, porta et, nibh. Duis vulputate elit in elit. Mauris dictum libero id justo.

Subscribe to this Blog via Email :

https://www.facebook.com/gomesamohamedi